Disa terma që duhen njohur për të hyrë në botën seksuale

Admin Numri i postimeve : 211 Registration date : 18/08/2007

Këshillat për “orgazmën e duhur” dhe rregullat për seksin e sigurt, por edhe historia dhe anatomia që nuk mësohen në shkollë, përgjigjet për të gjitha pyetjet dhe pasiguritë e adoleshentëve dhe të prindërve të tyre po i sqarojmë me shpjegimin e disa termave të përdorur në jetën seksuale. Kondom
Fjala kondom rrjedh prej doktor Condomi, që me kërkesën e Mbretit Carls II i Anglisë, fabrikoi një prezervativ të prodhuar prej zorrëve të kafshëve, veçanërisht tepër efikas kundër shtatzënive. Idenë e kishte marrë nga prezervativët që shekuj më parë përdoreshin nga romakët.
Biseksualiteti
Ka ca momente në jetë ku duket mjaft e vështirë të zgjedhësh në mëngjes një bluzë për të veshur. Kështu është më se e kuptueshme të kesh raste kur nuk është e lehtë të kesh ide të qarta edhe në jetën sentimentale - erotike. Një njeri biseksual nuk duhet të jetë detyrimisht i përfshirë në një marrëdhënie të dyfishtë: edhe me një burrë edhe me një grua në të njëjtën kohë. Në këtë kuptim, biseksual mund të jetë një njeri që përcaktohet si person që zgjedh njerëzit dhe jo seksin e partnerit.
Cybersex
Anketat kanë treguar së 9 për qind e lundruesve nëpër internet e përdorin këtë mjet për motive seksuale dhe 32 për qind e përdorin për komunikime seksuale. “Chat”-et erotike apo takimet nëpërmjet internetit kapin një numër të madh përdoruesish dhe 77 për qind e këtyre përdoruesve e kanë provuar se paku një herë se ç’është seksi on_line. Ka njerëz që e përdorin këtë marrëdhënie seksuale në internet (cybersex), si një zëvendësues të lidhjeve në jetën reale, por shumica e frekuentuesve të “chat”-it e bën për t’i dhënë më tepër kuptim “jetës reale”.
A është “cybersex”-i tradhti?
Nëse quhet tradhti edhe ajo që bëhet me anë të mendimit, atëherë edhe seksi virtual duhet të konsiderohet si i tillë. Sondazhet kanë treguar se rreth 57 për qind e njerëzve i konsiderojnë praktikat e seksit virtual si një tradhti e mirëfilltë, ndërsa një 30 përqindësh mbështet idenë se pjesëmarrja në të tilla praktika është një alternative që e bën më të kënaqshme jetën e përditshme seksuale.
Antifekondimi
Kjo përbën bashkë të gjitha metodat dhe sjelljet që lejojnë të kryesh raporte seksuale pa rrezikuar shtatzëni të padëshiruara. Spermicidi i parë i historisë është përshkruar në një papirus: Një tampon i leshtë i lagur me mjaltë dhe me lëng akacieje. Grekët dhe romakët e lashtë përdornin fshikëzat dhe zorrët e holla të kafshëve si pengesë për fekondimin. Në vitin 1960, doktor Pincus shpiku të parën pilulë kontraceptive.
Zonat erogjene
Janë ato pjesë të trupit të cilat janë veçanërisht të ndjeshme ndaj stimulimeve seksuale. Për meshkujt: zona erogjene kryesore është penisi, por tepër erogjene është edhe goja, gjuha dhe gishtat e këmbëve. Për femrat: këmbët, të prapmet, sqetullat, qafa, buzët, zona e veshëve, gjoksi dhe pika G. Thithkat në gjoks kanë një rëndësi të veçantë në fazën përgatitore të aktivitetit mashkullor dhe nuk ka asgjë femërore në këtë ndjeshmëri të veçantë.
Petting
Termi rrjedh nga anglishtja “to pet” që do të thotë të përkëdhelësh, të ledhatosh. Praktikohet përgjithësisht nga adoleshentet të cilët nuk janë ende të gatshëm për një raport të plotë seksual. Por me termin petting, nënkuptohen edhe të gjitha veprimet parapërgatitore që bëhen përpara një akti të mirëfilltë seksual. Seksologët kanë krijuar një listë të praktikave të petting-ut: puthja me gjuhë, përkëdhelitë nga mesi e poshtë, nën rroba, përkëdhelitë në gjoks, prekja e organeve gjenitale.

Ejakulacioni i parakohshëm
Është ajo gjendje në të cilën mashkulli nuk arrin të vendose kontrollin mbi ejakulacionin. Sipas një emërtimi klasik, një ejakulacion i parakohshëm mund të quhet i rëndë nëse ndodh përpara penetrimit, apo edhe brenda 15 sekondash apo disa shtytjesh të shpejta. Ka dy lloje kategorish mes ejakulacioneve të parakohshme: Ato absolute që ndodhin me të gjitha partneret dhe format që shfaqen vetëm më një partnere të rastësishme. Por a është e vërtetë që duke ndaluar në mënyrë të pjesshme fluksin e gjakut në tru, duke ushtruar një presion për shembull në fund të grykës, mund të vonohet orgazma? Nuk është e vërtetë. Ajo gjë përftohet me një ndalim të pjesshëm të oksigjenit, arrihet madje të shtohet kënaqësia e orgazmës. Zakonet e “mbytjes”, pra parandalimit të ejakulacionit, mund të jenë të rrezikshme, madje edhe vdekjeprurëse, prandaj nuk është e këshillueshme që të realizohen, sepse nuk janë as të dobishme.

Masturbimi
Fjala masturbim vjen nga latinishtja “manu stuprare” që do të thotë “të dhunosh me duar” dhe tregon stimulimin me dorë të organeve gjenitale për të arritur në vetëkënaqësi. Nuk provokon asnjë rrjedhojë negative për ata që e praktikojnë, por kontribuon në pasurimin e jetës erotike. Autoerotizmi nuk konsiderohet si një kënaqësi seksuale në një moment të tërheqjes së trishtuar nga bota, por si një përvojë drejt seksualitetit të mirë. Tepër e rrezikshme për femrat të fusin në organet gjenitale objekte të huaja, si lapsat apo furçat. Thuhet se nëse sportistët masturbojnë përpara një ndeshjeje mund të kenë rezultate negative. Por kjo nuk është e vërtetë, madje në këtë rast, masturbimi duke qenë një mënyrë e shëndetshme e zbrazjes së tensionit seksual mund të ketë një funksion qetësues dhe të mbushjes me energji. Praktikat e masturbimit nuk sjellin asnjë modifikim në organet gjenitale.

Seksi oral
Meshkujt dashurojnë imazhin e një gruaje të gatshme vetëm për kënaqësitë e tyre, femrat ose e pëlqejnë që në kontaktet e para ose më pas i druhen për ta praktikuar më pas me kalimin e kohës në fazën e petting-ut. Nuk ka teknika të veçanta, kjo varet mbi të gjitha nga fantazia. Një problem mjaft i përhapur është se shumë meshkuj nuk dinë se si duhet ta bëjnë edhe ata seksin oral. Frika kryesore qëndron në faktin se lëngjet vaginale janë të pakënaqshme në shije apo në nuhatje. Për të bërë seks oral me një vajzë, është e nevojshme, por jo e vetmja mundësi, që ajo të shtrihet për të ndjerë më tepër kënaqësi. Por është e mundshme të bëhet edhe duke qëndruar në këmbë, por për sa i takon intensitetit të kënaqësisë, ky është një faktor personal. Gjatë një raporti seksual, është mjaft e mundshme që ta rrisësh ndjeshmërinë duke stimuluar njëkohësisht edhe klitorin. Bashkëpunimi në çift e rrit “masën” e kënaqësisë seksuale.