Problemet e shfaqura gjatë shtatzanisë, shkaktarët

Hidronefroza antenatale (rritja e veshkës si pasojë e mbushjes me lëng para lindjes) mund të identifikohet me anën e ultratingullit që nga tremujori i parë i shtatzënisë. Në shumicën e shtatzënive kjo diagnozë nuk ndryshon kujdesin obstetrik, por kërkon përcjellje të kujdesshme dhe ndërhyrje kirurgjike të mundshme gjatë infantilitetit dhe fëmijërisë së hershme.

Nga se shkaktohet hidronefroza paranatale?
Shkaktarët e mundshëm të hidronefrozës antenatale ose paranatale përfshijnë:
Bllokimin: Kjo mund të ndodhë në veshkë në junksionin (lidhjen) ureteropelvik, në fshikëzën urinare në funksionin ureterovezikal, ose tek uretra.
Refluksi: Refluksi vezikoureteral shfaqet kur valvula në mes të ureterit dhe fshikëzës urinare nuk funksionon siç duhet, duke e lejuar urinën që të kthehet mbrapa deri në veshkë kur fshikëza zbrazet ose mbushet. Shumica e fëmijëve (75%) e kalojnë këtë gjatë fëmijërisë (shërohet vetvetiu), por duhet të marrin shpesh profilaksë antibiotikësh që të provohet të ruhen nga dëmtimi i veshkave para se të shërohet refluksi.
Duplikacioni: Ndoshta 1% e të gjithë njerëzve kanë dy gypa kolektues nga veshkat dhe kjo mund të detektohet me anën e ultratingullit. Zakonisht pacientët me duplikator kanë edhe ureterocellë, i cili paraqet komplikacione nga një masë balonuese në fundin e njërës nga tubat dupleks (të dyfishtë).
Veshka Multicistike: Paraqet veshkë cistike jofunksionale.
Abnormalitete jo të rëndësishme: Shumica e këtyre veshkave të dilatuara mund të normalizohen pas lindjes.
Si normalizohet hidronefroza antenatale?
Shumica e këtyre pacientëve të detektuar gjatë shtatzënisë përcillen me anë të ultratingullit, bëhet monitorimi i rritjes së fetusit dhe gjendja e veshkave. Në këto raste lindja normale mund të kryhet. Rrallë, tek fetuset me obstruksion të shprehur dhe mjaft të rëndë në të dy veshkat dhe lëng amniotik të pamjaftueshëm, drenimi i veshkave ose fshikës me anë të gypit ose operacionit duhet të bëhet. Tek këta fëmijë në shumicën e rasteve veshkat janë të dëmtuara dhe kanë funksion të reduktuar pavarësisht trajtimit.
Si mund të bëhet trajtimi i hidronefrozës?
Trajtimi varet nga shkaktari i hidronefrozës. Infantët dhe fëmijët të cilët si shkak e kanë refluksin vezikoureteral menaxhohen me antibiotik dhe me mbikëqyrje ultrasonografike periodike dhe cistografi miksionale. Infantët dhe fëmijët me bllokim të traktit urinar mund të kenë nevojë për korrigjim kirurgjik. Foshnjat me hidronefrozë pa anomali refluksive ose bllokuese përcillen me monitorim ultrasonografik për monitorimin e hidronefrozës dhe rritjen e veshkës. Menaxhimi i veshkës me gurë dhe të irrituar është kundërshtues: Veshka me gurë në të nuk funksionon, por veshka tjetër është zakonisht normale. Disa urologë rekomandojnë heqjen, të tjerët nuk e heqin vetëm nëse përmasat e saj shkaktojnë probleme ose përderisa është në pikëpyetje tumor ose bllokim.

Keshilla

Si veprohet për të përcaktuar hidronefrozën pas lindjes së fëmijës?

Duhen bërë disa studime për të ekzaminuar veshkat:

- Ultratingulli (kjo kryhet gjatë periudhës menjëherë pas
lindjes)

- Cistouretrografia miksionale (nevojitet për të përjashtuar
refluksin veziko-ureteral, shkaktar në 25-30% të hidronefrozës
antenatale)

- Skanimi diuretik i veshkave (shërben për të përcaktuar
funksionin e veshkave)

Pezmatimi i lëkurës së kokës te bebet
Pezmatimi i lëkurës në kokë është sëmundje e zakonshme pezmatuese e lëkurës, që mund të përfshijë kokën dhe pjesët e tjera të trupit të foshnjës. Ndryshe nga ekzema fëmijërore (atopike), pezmatimi i lëkurës në kokë nuk shkakton kruarje. Te shumica e foshnjave të sapolindura, kjo gjendje qetësohet deri në moshën dymujore. Kjo ndryshon prej ekzemës fëmijërore, që ka tendencë të zhvillimit te foshnjat në moshën pas dymujore dhe vazhdon. Një formë shumë e zakonshme dhe e butë e infektimit të lëkurës në kokë të foshnjave quhet "kapelë djepi" (luspat). Në foshnjëri koka është pjesa më e zakonshme që infektohet me luspa të dendura të cilat janë dukshëm të yndyrshme, me ngjyrë të verdhë në të bardhë të ngjitura në flokë ose lëkurë të kokës.

Zbulimi që mund të përmirësojë shtatzëninë
Një grup shkencëtarësh australianë i janë përgjigjur pyetjes "pse meshkujt prodhojnë spermë dhe femrat prodhojnë vezë?". Gjetjet e tyre mund të udhëheqin për të përmirësuar terapinë kanceroze apo përmirësimin e shtatzënisë. Derivatet e vitaminës A shkaktojnë fillimin e vezës dhe prodhimin e spermës, proces ky i njohur si meiosis. Qelizat që kthehen në një pikë në vezë apo spermë janë identike në embrionet e mashkullit dhe të femrës. Retinoic acid, një derivat i vitaminës A, bën që te qelizat në embrionet e femrës të fillojë meiosis, duke krijuar prodhimin e vezëve. U gjend gjithashtu një enzimë e pranishme në embrionet e mashkullit e cila zhduk retinoic acid dhe ndalon meiosis pas lindjes duke dhënë prodhim sperme.

Lindja e arakohshme dhe rritja e vone
Femrat që kanë lindur para 36 javëve të shtatzënisë duhet të tregojnë kujdes të veçantë kur të marrin pjesë në një aktivitet sportiv, sidomos gjatë trimestrit të dytë dhe të tretë. Favorizoni ushtrime si Joga, Strecing, dhe ecje të lehta. Çdo ushtrim me pesha duhet evituar. Edhe rritja e vonuar e bebes në mitër gjendet duke matur rritjen e mitrës dhe duke parë sonogramin e fetusit. Nëse bebja juaj ka rritje të vonuar, kjo do të thotë që ai nuk ka furnizim të mjaftueshëm me oksigjen nga placenta. Pirja e duhanit, përdorimi i drogës, infeksionet dhe qarkullimi i varfër i gjakut janë shkaqe për beben për të mos u rritur shpejt. Për faktin që stërvitja e largon qarkullimin e gjakut nga placenta, bebja që nuk po rritet shpejt, nuk do e tolerojë dot stërvitjen tuaj.

Menyja ideale gjatë shtatzënisë
Shtatzënia është një periudhë delikate jo vetëm për shëndetin e nënës, por dhe të fëmijës që do lindë. Prandaj mjekët këshillojnë një kujdes të veçantë dhe një dietë që duhet të zbatohet. Është e këshillueshme që gruaja shtatzënë të pijë sa më shumë lëngje dhe ujë, sepse e ndihmojnë në pastrimin e veshkave dhe gjakut. Këshilla e parë që vjen nga mjekët gjinekologë është një dietë e ekuilibruar, e shëndetshme dhe e larmishme. E për ta garantuar këtë, specialistët rekomandojnë që dieta e gruas shtatzënë duhet të përfshijë ushqime të pasura me fibra, kripëra minerale, vitamina, fruta-perime; proteina, mish, peshk, vezë, qumësht dhe bulmetra; dhe karbohidrate, makarona, oriz dhe bukë. Të gjitha këto substanca që ndikojnë në ruajtjen e shëndetit të gruas dhe zhvillimin normal të fetusit.