Tre variante që propozojnë psikologët për çiftet

Shpesh herë pas një dite të lodhshme në punë apo momenteve të ndryshme stresuese do ishte më mirë që pas një gjumi të qetë, të pritej mëngjesi. Të bërit dashuri në mëngjes përveçse një përshëndetje shumë e veçantë për të nisur ditën, është edhe një mënyrë që ndikon mjaft pozitivisht në humorin, fizikun, marrëdhënien tuaj në çift, por mbi të gjitha aftësinë e ngjizjes. Ora ideale, madje gjysmë ora është nga 06:30 deri në orën 07:00 para mëngjesit, sepse dihet është më mirë të ndjehesh i lehtë para se të bësh seks.

Sipas specialistëve të një qendre kërkimore në qytetin e Torinos, çelësi për të ngjizur një fëmijë të shëndetshëm është përmes aktivitetit seksual të mëngjesit. Në mbrëmje ka momente në të cilat, larg nga aktivitetet e përditshme çiftet mund të kenë intimitetin e tyre të qetë dhe të çlirët, por është e vërtetë që ndonjëherë në mbrëmje partnerët ndihen të lodhur dhe me dëshirën e vetme për të fjetur gjumë. Lodhja përbën në fakt një nga arsyet kryesore të refuzimit të seksit, si për meshkujt dhe për femrat, kur energjitë të ruajtura për të provuar ndjenjën që i ndez partnerët veniten plotësisht pas një dite të lodhshme të mbushur me impenjime. Në të kundërt, mëngjesi të fal një ndjesi totalisht të ndryshme, me mendjen e freskët, trupin e qetësuar, nervat e çlodhura dhe është më e lehtë të ndjesh dëshirën për të rrëmbyer partneren dhe nisur ditën në një mënyrë të tillë aq eksituese.
30 minutat që nuk duhen humbur
Gjysmë ora që nuk duhet humbur është nga ora 06:30 deri në 07:00, kur mashkulli shfaq edhe nivelin më të lartë të testosteronit, ndërsa tek femra dallohet kulmi i aftësisë riprodhuese, ndikuar nga hormon i LH. “Ky është momenti më i lartë i ndjeshmërisë dhe i aftësive prodhuese si tek femra edhe tek mashkulli”, shprehet specialisti Alessandri Di Gregorio, “gjendja e eksitimit seksual që u intereson të dy partnerëve pasi mes tyre krijohet një gjendje tej kufijve të eksitimit”, shton ai. Edhe biologu gjerman Liebe & Beziehungsblog, konfirmon se “ora e shenjtë e seksit”, është nga 08:00 deri në 09:00 të mëngjesit, kohë kur gjaku i mashkullit shpërthen nga testosteroni, por në orën 07:00 të mëngjesit është momenti kur përqendrimi i hormoneve në gjak është pothuajse 6 herë më i lartë se pjesën e mbetur të ditës. Kjo u mundëson partnerëve një seks më të kënaqshëm dhe një lidhje më të fortë si në intimitet edhe në dashuri, pasi qetësia u dhuron atyre më shumë ngrohtësi, nga ana tjetër hormonet u dhurojnë atyre më shumë eksitim. “Nuk e di se kush mund të ishte kohë më e mirë se kjo që ne kemi konstatuar për të bërë seks, pasi deri tani tek të gjitha çiftet ka pasur një ndikim më se pozitiv”, përfundon De Gregorio. Momenti më i mirë i ditës për të bërë dashuri dhe për t’i dhuruar njëri-tjetrit kënaqësi është nga ora 06:00 deri në 09:00 të mëngjesit, pasi në këto 3 orë eksitimi hormonal është në pikën e tij më maksimale. Konfirmimet vijnë edhe nga pjesa tjetër e Evropës. Në një revistë franceze ku është zhvilluar një sondazh për zakonet seksuale të çifteve, rreth 21% e femrave franceze preferojnë mëngjesin, 16% pasditen, ndërsa 33 % e meshkujve janë të gatshëm të bëjnë seks në çdo moment. Pjesa më e madhe e çifteve konfirmon shenjtërinë e seksit të hatashëm 30-minutësh, 20 % preferojnë më shumë se 30 minuta, ndërsa 10% preferojnë më pak se 20 minuta. Ora 06:00-07:30, piku i seksit, i cili vazhdon pozitivisht deri në 08:30 duke u pakësuar deri në 10:00. Nga ora 12:30 deri në pasditen e vonë të orës 18:00 paraqiten vlera shumë të ulëta për të pësuar edhe më shumë rënie në orët e mbrëmjes, deri në mesnatë.
Marrë nga “Panorama.it”

Gratë nuk kanë fantazi

Të gjithë meshkujve u ka qëlluar të kenë një “të dashur që bën biseda ferri”, një grua argumenti i vetëm i bisedave të së cilës ka qenë lidhja. Revistat femërore stimulojnë pikërisht këtë, publikojnë gjithmonë artikuj që flasin se si duhet që t’i shtyjmë meshkujt të flasin për ndjenjat. Femrat nuk e kanë aspak problem t’u tregojnë meshkujve se si ndihen. Ndërsa, sa i takon seksit, mund të duken më fjalëpaka sesa meshkujt. “Meshkujt flasin për dëshirat e tyre seksuale më tepër sesa femrat”, komentojnë psikologët. Ndoshta sepse femrat janë ende të frenuara nga thënie të vjetra të tipit “vajzat e mira nuk e bëjnë”, gjë që i ndalon të shprehin përpara partnerit ato që dëshirojnë. Megjithatë, ka femra që flasin në mënyre të hapur për dëshirat e tyre, e megjithatë sipas psikologëve, nëse meshkujt do të dëgjonin ato që i rrëfejnë femrat njëra-tjetrës, do të çmendeshin.

Eksperiencë apo mungesë vëmendjeje

Edhe pse e mbajnë veten për besnike të përjetshme, nuk kanë pse bëjnë përjashtim nga pjesa tjetër, që janë meshkujt. Duket se në çështjen e tradhtisë femrat dhe meshkujt janë të ndarë në dy kampe pa asnjë të përbashkët. Secili justifikon veprimin e vet dhe sheh me sy mjaft kritik atë të tjetrit. Nëse do të kishim parasysh disa nga motivet që shtyjnë një mashkull në tradhti si p.sh. etja për eksperienca të reja dhe pamundësia për t’i bërë ballë tundimit, nuk shihet ndonjë arsye se përse femrat duhet të bëjnë përjashtim. Të tilla arsye fare mirë mund t’i shtynin edhe ato të bënin të njëjtën gjë. Të tradhtonin. Shumë të rralla janë ato femra që e pranojnë një gjë të tillë. Femra përdor tradhtinë e tij për të qenë e justifikuar për një veprim që ndoshta nuk ka guxuar për arsye të ndryshme ta bënte më parë? Të tjerë mendojnë se një femër nuk ka nevojë fare për arsye. Ajo tradhton dhe kaq.

Kush xhelozohet më tepër

Teoritë e psikologjisë së zhvilluar pohojnë se mashkulli duhet të kujdeset më shumë për mbrojtjen fizike të partneres se sa aspektin emocional, sepse kjo ndihmon të dy parterët. Nga ana tjetër mendohet se femrat mërziten më shumë për tradhtinë emocionale dhe interesi i tyre i zhvilluar vlen më shumë kur njeriu i tyre i zemrës ndodhet pranë saj për ta ndihmuar në rritjen e fëmijës. Por studiuesja R. Harris, e Universitetit të Kalifornisë, sfidoi teoritë në tre studime të ndryshme. Në studimin e parë, Harris mati trysninë e gjakut në ritmin e zemrës për 43 femra e 36 meshkuj, ndërkohë që ata imagjinonin skena në të cilat partnerët e tyre bënin tradhti seksuale apo emocionale. Ajo zbuloi se meshkujt paraqisnin një reagim më të madh fizik ndaj tradhtisë seksuale, ndërkohë që femrat reagonin ndaj të dy skenave, me një tendencë të lehtë për t’iu përgjigjur më shumë, që ashtu si edhe burrat, skenës së tradhtisë seksuale.