Disa teknika për t’u bërë një partner i vëmendshëm

Gruaja privilegjon aspektin global dhe ndjenjësor në një marrëdhënie. Për të është e rëndësishme dashuria, shpirti, pjesëmarrja e ndjenjës në një raport nga ana e partnerit. Një raport i zhveshur nga këto elemente nuk ka kuptim për femrat. Për këtë është e rëndësishme një “lojë” e nxehtë para çdo akti. Por diçka që mund të jetë e kënaqshme për një femër, mund të jetë e bezdisshme për një tjetër. Edhe e njëjta femër nuk ka gjithmonë në kohë dhe vende të ndryshme të njëjtat dëshira apo bezdisje.

Si të veprosh në këto raste?
Është e rëndësishme që të realizosh një mënyrë të veçantë të prekuri, që asaj t’i pëlqejë dhe ta bëjë të ndihet mire. Por këto lëvizje nuk duhet të përsëriten shpesh mekanikisht sepse bëhen monotone. Dhe këto ndjesi një femre i duhen falur, jo vetëm gjatë një raporti, por edhe në momente të ndryshme, në mënyrë që ajo të ndjehet vazhdimisht e dëshiruar nga partneri. Një puthje e lehtë, një fjalë e ngrohtë, përkujdesja në momentin e duhur, vlejnë për të krijuar një atmosferë të përshtatshme shpirtërore të femrës gjate marrëdhënies. Prandaj partneri më i mirë është ai që gjithmonë vëzhgon, kërkon, eksploron teknika, pika të ndjeshme të partneres së tij, për të vepruar me to edhe në situatat e nxehta të jetës në çift.
Puthjet
Mbi të gjitha gabimi i madh i meshkujve në disa raste duket të jetë se ata shpesh nxitohen, harrojnë puthjet e përkëdheljet dhe nuk dedikohen ndaj pikave më të ndjeshme, sikur t’iu duhet të nxitojnë për të mbaruar shpejt sepse kane diçka tjetër për të bërë. Por kjo nuk është e vërtetë. Mjafton që të dy partnerët të krijojnë një atmosferë të ngrohtë puthjesh e ledhatimesh, duke krijuar një klimë të përshtatshme për aktin seksual.
Prekja dhe sensualiteti
Masazhet, fërkimet e shpinës, të shputave të këmbëve, të kokës, janë gjithmonë të mrekullueshme dhe joshëse. Si pjesë të procesit të të bërit dashuri, këto “teknika” mund ta bëjnë seksin më të
ngadaltë dhe më sensual. Kur një çift ka probleme me seksin, mund të zbulohet se ata janë fokusuar kaq shumë në organet gjenitale të tjetrit dhe nuk kanë lënë kohë për të mësuar se si ta prekin dhe ledhatojnë me dashuri njëri-tjetrin në të gjithë trupin. Shume burra janë më të fokusuar se gratë në organet gjenitale dhe këta kanë nevojë të mësojnë mbi kënaqësitë e të prekurit.
Fantazitë
Pothuajse çdo njeri ka fantazi ose në formë imazhesh kalimtare, ose historish shumë të detajuara, sidomos femrat. Ato shprehin atë çka gjendet thellë në ndërgjegjen e njeriut, pjesë të së cilës duhen eksploruar dhe njohur. Mendimet dhe imazhet që mbarten në mendje mund të provokojnë reagime të forta fizike. Disa studiues seksologë pranojnë se truri është organi më i rëndësishëm që jep kënaqësi seksuale dhe disa gra kanë pranuar se ato mund të arrijnë në orgazëm vetëm duke fantazuar. Në fantazi mund të jesh gjithçka që imagjinon.
Seksi oral
Ndonjëherë seksi oral duket si forma më intime e dashurisë. Për disa individë seksi oral është më i sigurti për të sjellë orgazmën, se shumë forma të tjera të të bërit dashuri. Gjithsesi, neve shpesh na ekziston ndjesia e turpit për “pjesët tona private”. Por rreziku i transmetimit të HIV-it dhe AIDS-it apo ndonjë sëmundjeje tjetër të transmetueshme seksualisht vazhdon të mbetet pengesa kryesore në zhvillimin e seksit oral.
Stimulimi anal
Kënaqësia e një femre mund të realizohet nga një partner i vëmendshëm, i cili mund ta stimulojë atë edhe duke prekur anusin me gishta, gjuhë, penis ose me çfarëdo objekti të hollë. Stimulimi anal mund t’i jepet dhe të merret me një partner femër ose mashkull. Për shumë persona kjo është një zonë shumë e ndjeshme seksualisht.

Interesi seksual
Angazhimet e jetës së përditshme luajnë një rol të rëndësishëm në braktisjen e interesit seksual ndaj partnerit. “Stresi, ankthi, depresioni çfarëdo shqetësimi tjetër që lidh jetën e një femre mund të ndikojë në seksualizmin e saj. Por edhe natyra ka gjithashtu rolin e vet. “E vërteta është se libidoja i një femre nuk do të jetë kurrë siç ishte në fillimet e saj në lidhje me partnerin. Trupi i gruas nuk mund të mbështesë pasionin. Nuk do të mundeshin të bënin asgjë, nëse do të jetonin gjithmonë në atë fazë. Nuk është vetëm kohëzgjatja ajo që e bën cilësor një raport. Gratë kanë dëshirë më rrallë se burrat për të bërë dashuri, sepse gruaja, më shumë se burri shpërqëndrohet nga seksi. Disa e kanë nga arsye kulturore apo fetare, disa të tjera, pjesa më e madhe, sepse janë thjesht selektive. E kështu preferojnë që seksi të jetë një eksperiencë e plotë, sentimentale dhe fizike.

Përgatitjet sensuale
Shumë njerëz mësojnë ta përkufizojnë seksin me një burrë kryesisht me aktin seksual, një formë e të bërit dashuri që përshtatet mirë me orgazmën dhe kënaqësinë mashkullore, por që nuk u përshtatet domosdoshmërisht femrave. Sipas përkufizimeve mashkullore standarde të gjitha prekjet, lëpirjet, thithjet dhe përkëdhelitë që na ndezin quhen përgatitëset e aktit të madh, aktit seksual. Disa tekste madje i quajnë femrat me çrregullime, ose të ftohta nëse ato nuk kalojnë në orgazëm gjatë kryerjes së aktit. Ky nuk është një përkufizim femëror i kënaqësisë seksuale. Fakti që me shumë gra abuzohet përbën një realitet të hidhur e mizor. Seksi mund të përdoret si armë, si nga burrat, edhe nga gratë. Incestet, përdhunimet, ngacmimet seksuale nga shefi, kolegu ose mësuesi, hyrja me dhunë në shtëpi, të gjitha këto mund të ndikojnë në jetën seksuale. Nëse femrat nuk e provojnë dhunën në mënyrë të drejtpërdrejtë, mundësia mund të jepet vagëllimthi nga pornografia.

Roli i puthjeve
Duhet të bëhesh një puthës profesionist që ajo të mos ndihet e pasigurt të puthjet që jep. A do të vazhdosh të jesh në shkallën fillestarë apo do të bësh ai që ajo dëshiron? Asnjëherë mos harroni që puthja ka rolin kryesor në një marrëdhënie sentimentale. Nëse i dashuri ose e dashura juaj në momentin që puth thotë ‘Të dua”, kjo nuk do të thotë aspak se ai ose ajo di të puthë si një profesionist. Në fund të fundit, gjithçka në këtë proces, realizohet vetëm në sajë të lëvizjes së buzëve dhe jo të fjalëve. Roli i syve është mjaft i rëndësishëm kur puth dikë. Duhet ti mbash mbyllur sytë apo duhet ta shohësh në sy, kjo është një dilemë e madhe. Jepi fillimisht një puthje të vogël njeriut të zemrës duke e vështruar thellë në sy dhe më pas harro vështrimin duke u fiksuar tek buzët dhe efekti do të jetë marramendës.