Epitafe të çuditshme të njerëzve të famshëm

Disa e kanë lënë të shkruar epitafin e tyre që para vdekjes, të tjerë kanë marrë atë që të gjallët mendonin se u përkiste. Në të gjitha rastet, ata që sa qenë në jetë ishin jo pak të rëndësishëm, për mirë a për keq, edhe pas vdekjes e mbajnë mbi pllakën e varrit nga një fjali që s’mbetet asnjëherë pa u vënë re. Epitaf, vjen nga greqishtja e vjetër “mbi gur varri” dhe është një tekst i gdhendur që nderon të vdekurit. Tradicionalisht epitafi duhet të jetë në vargje, por ka dhe përjashtime. Shumë poetë i kanë kompozuar vetë epitafet e tyre që para vdekjes. Në shumë raste epitafet janë thënie nga tekste të shenjta apo aforizma. Por në çdo rast, epitaf i mirë konsiderohet një që mbetet në mendjen e njerëzve, ose të paktën i bën të mendojnë ata që e lexojnë. Epitafet e njerëzve të përmendur këtu, si Churchill, Sinatra, Al Kapone, Aleksandri i Madh e përmbushin këtë kriter. Epitafet e këtyre njerëzve, ashtu si dhe subjektet e tyre jo vetëm që kanë aftësinë të skaliten në kujtesë, por gjithashtu janë të regjistruar edhe në listat e epitafeve më të famshme e të çuditshme në botë.

...........

Jam gati të takoj Krijuesin tim. Është punë tjetër nëse Krijuesi është i përgatitur apo jo t’i nënshtrohet provës së rëndë të takimi mua.

Winston Churchill

...........

Këtu dergjet një prej kafshëve më inteligjente që janë shfaqur ndonjëherë në faqe të dheut.

Benito Mussolini

...........

Ky varr mban çdo gjë të vdekshme të një poeti të ri anglez, i cili në shtratin e vdekjes, dëshiroi që në varrin e tij të gdhendeshin këto fjalë: “Kë dergjet ai, emri të cilit ishte i shkruar në ujë”.

Johen Keats

...........

Pjesa më e mirë nuk ka ardhur akoma.

Frank Sinatra

...........

Mëshirë, Jezusi im.

Al Kapone

...........

Proletarë të gjithë vendeve bashkohuni. Filozofët vetëm sa e kanë interpretuar botën në mënyra të ndryshme; çështja është se si të ndryshohet.

Karl Marx

...........

Një varr del e mjafton për atë, të cilit e gjithë bota nuk i dukej mjaft.

Aleksandri i Madh

...........

Më së fundmi i lirë. I lirë më në fund. Falë Zotit të Madh, më në fund jam i lirë.

Martin Luther King