Celuliti dhe faktorët që ndikojnë në formimin e tij

Celuliti është një lloj indi dhjamor në shtresën e nënlëkurës që përmban tufa indi lidhor. Ky ind lidhor, që varion në trashësi dhe është i ndërthurur me qelizat dhjamore, mbahet në atë pozicion nga një rrjet fibrash që e mbron trupin tonë duke rrethuar muskujt dhe organet.

Ai është i rrethuar nga një lëng që përveçse e ushqen, përbën dhe një sistem efektiv për eliminimin e mbeturinave. Kur gjithçka funksionon siç duhet, mbeturinat largohen jashtë trupit nga ky sistem, gjë që rezulton në kurba të lëmuara të trupit; kur yndyrnat, lëngjet dhe toksinat mbeten thellë në lëkurë (poshtë shtresës epidurale), indi lidhor trashet dhe forcohet duke dhënë një efekt fryrës. Me kalimin e moshës, shtresat e lëkurës hollohen, çka rezulton në shfaqjen e pamjes së valëzuar të celulitit. Ndryshimi i celulitit me dhjamin është se celuliti, në dallim nga dhjamosja, ndodhet vetëm në disa pjesë të caktuara të trupit; kofshët, të ndenjurat, barku dhe gjoksi. Celuliti ka të bëjë detyrimisht me peshën. Megjithëse formimi i celulitit varet nga dieta dhe stili i jetesës, pjesa më e madhe e tij është e formuar nga toksina dhe yndyrna të formuara në trup, që mund të prekin gra të çfarëdolloj përmase, peshe dhe strukture trupore.
Faktorët që ndikojnë në formimin e celulitit:
1- Trashëgimia.
2- Marrja e pamjaftueshme e ujit. Uji ndihmon në sistemin e eliminimit të mbeturinave, duke nxjerrë jashtë toksinat nga trupi. Këshillohet mundësisht të merren 7 gota ujë në ditë. Konsumi i 3 litrave ujë në ditë është optimale.
3- Dieta. Zakonet e dëmshme të ngrënies (alkooli, kafeina, ushqimet pikante) ndihmojnë në formimin e celulitit sepse toksinat që ato prodhojnë, mbeten në indin dhjamor.
4- Pirja e duhanit. Nuk është e dëmshme vetëm për lëkurën dhe mushkëritë, por gjithashtu ngushton kapilarët e gjakut dhe dëmton indin lidhor duke shkaktuar fryrjen karakteristike të celulitit.
5- Tensioni dhe stresi. Bëjnë që muskujt dhe indi lidhor që i mbulon ato, të trashen. Nga ana tjetër tensioni bllokon qelizat, duke dëmtuar eliminimin e mbeturinave dhe pastrimin e trupit.
6- Marrja e mjekimit. Mund të dëmtojë proceset natyrale të organizmit të njeriut. Barnat për dobësim, sedativët dhe diuretikët, mund të çojnë të gjitha në krijimin e celulitit, kontraceptivët orale, që rrisin nivelin e estrogjeneve në gjak, shkaktojnë zmadhimin e qelizave yndyrore që çon në mbajtjen e ujit në organizëm. Mbajtja e ujit në organizëm pengon trupin të eliminojë toksinat dhe krijon celulitin.
7- Mungesa e ushqimeve dhe stili sedentar i jetesës. Ushtrimet ndihmojnë tonifikimin muskulor, qarkullimin e gjakut dhe mirëqenien e përgjithshme, duke shkaktuar copëzimin e indit të bllokuar dhe pastrimin e trupit.
Eliminimi
Mos prisni mrekulli kur bëhet fjalë për celulit. Por nga kombinimi i ushqyerjes dhe aktivitetit fizik të duhur, me eliminimin e stresit dhe trajtimet estetike, mund të rezultojnë në zbutje të lëkurës. Rritja e qarkullimit të gjakut përmes masazhit padyshim që ndihmon në eliminimin e celulitit. Çelësi në parandalimin dhe luftimin e celulitit është pastrimi i trupit i kombinuar me aktivitet fizik, dietë të shëndetshme, reduktim të tensionit dhe përmirësim të qarkullimit të gjakut.

Ndalohet kurimi

Nuk mund t'i nënshtrohesh trajtimit anticelulit në rastet kur vuan nga:

1. Zemra
2. Organet e frymëmarrjes
3. Diabeti
4. Variçet
5. Mëlçi kronike
6. Epilepsi
7. Puçrra masive
8. Lëkura është e dëmtuar
9. Shtatzënia
10. Gjatë ciklit menstrual
11. Ka plagë të pashëruara plotësisht në lëkurë
12. Menjëherë pas ndërhyrjeve kirurgjikale etj.

Si ta liminojmë celulitin
Për të pasur rezultatin e dëshiruar, duhet të kemi parasysh rregullin e hekurt të bashkëpunimit me specialistin (estetisten). Ky trajtim është i thjeshtë, i pranueshëm dhe relaksues. Humbja e peshës bëhet gradualisht, pa shkaktuar probleme anësore. Është e rëndësishme që të konceptojmë faktin që kemi të bëjmë me bilanc energjetik dhe gjatë terapisë nuk duhet të shkelim limitet e kalorive të marra. Duhet hequr dorë nga konsumi i ushqimeve të trajtuara në vaj të nxehtë, pasi këto produkte shkaktojnë vështirësi në tretje. Mënyra më e drejtë është të ushqehemi me produkte të trajtuara në avull ose me zierje, pasi janë plotësisht të asimilueshme dhe aspak të dëmshme për organizmin. Gjatë kursit të humbjes së peshës, kërkohet ekuilibër në marrjen e ushqimit.

Tipat e shfaqjes se celulitit
Në ditët e sotme njihen dy tipa të shfaqjes së celulitit. Celuliti i fortë ose solid, zakonisht gjendet në gratë aktive si: Balerinat, atletet etj. Ky lloj celuliti është i vështirë të eliminohet sepse nuk drenohet kollaj nga trupi. Nga ana tjetër në disa raste është i vështirë dhe të diktohet sepse ngjitet direkt me muskulin. Celuliti i shkrifët, nuk është aq i përqendruar dhe është më i dukshëm se celuliti solid. Zakonisht gjendet në zona të mëdha, është i lëvizshëm dhe mund të shkaktojë atoni muskulore (rënie e tonusit). Edhe pse më i dukshëm, celuliti i shkrifët mund të eliminohet më lehtësisht. Të eliminosh celulitin në disa raste është shumë e vështirë, ndaj e këshillueshme do të ishte të praktikohej një jetë aktive, në mënyrë që ai të shmanget që në fillesa.

Kush preket nga celuliti dhe pse
Zakonisht janë gratë ato që preken më shumë nga celuliti. Ai fillon të shfaqet tek vajzat rreth moshës 14 vjeç dhe rritet si rezultat i hollimit dhe rishpërndarjes së shtresës së lëkurës me kalimin e moshës. Celuliti zakonisht formohet tek gratë pas lindjes dhe në ato që marrin kontraceptivë oralë, sepse sistemi i eliminimit nuk mund të përballojë fluksin tepër të madh të estrogjeneve në trup. Ai mund të zhvillohet edhe pas traumave aksidentale që dëmtojnë sistemin e qarkullimit të gjakut ose në ato që bëjnë jetë sedentare (pasive). Shumë rrallë celuliti mund të formohet edhe tek meshkujt, kjo sepse rrjeti i tyre i qelizave yndyrore është në thellësi të lëkurës. Megjithëse celuliti është më tepër i përfolur nga femrat, sepse ato duan ta shmangin.

Më i drejtë është eliminimi natyral
Edhe pse praktikohen ndërhyrjet kirurgjikale dhe ato me rreze laser, mjekët në të gjithë botën bëjnë thirrje që eliminimi i celulitit është edhe më efikas nëse bëhet në mënyrë natyrale dhe pa ndërfutjen në trup të rrezeve laser. Është e domosdoshme që çdo ditë në tavolinën tuaj nuk duhet të mungojnë lloje të ndryshme agrumesh dhe frutash. Vitaminat e tyre nuk i lënë kapilarët e gjakut të stopuar, por gjithnjë krijojnë qarkullim, që është shumë efikas për trupin e njeriut. Konsumimi i produkteve natyrale, pa yndyra janë shumë efikase në çdo kohë, sepse shtojnë praninë e vitaminave ushqyese në trup. Nëse provoni produkte ushqyese, dietologët tregojnë që jo vetëm do humbisni një kilogram të tepërt, por edhe do të mund të keni nën kontroll celulitin.