Netët e dashurisë, këshilluesit më të mirë të jetës në çift

Efektet pozitive të marrëdhënies seksuale dhe një raporti të ngrohtë në çift është një temë mjaft e përfolur. Ekspertët japin arsyet të cilat dëshmojnë efektet pozitive të seksit.
1- Dashuria e mjaftueshme do të bëjë që femrat të duken në formë të mirë dhe me pamje të shkëlqyeshme. Shkaku kryesor, i cili ndikon për kënaqësi në dashuri dhe në seks, është tajitja e sasisë së dyfishtë të hormoneve të estrogjenit.
2- Seksi është më efikas sesa kremrat e shtrenjta kundër rrudhave. Ai e nxit apo e shpejton qarkullimin e gjakut dhe lëkura bëhet më e lëmuar dhe më e shtrënguar, më e nderë. Papastërtia dhe puçrrat zhduken.
3- Seksi ndikon edhe në mbajtjen e vijës së trupit bilonjë, pra të trupit të bukur, shtathedhur. Gjatë seksit të nxehtë dhe me plot pasion është konstatuar se shpenzohen 560 kalori të tëra.
4- Në shtrat mund ta zvogëloni rrezikun nga ngushtimi i enëve të gjakut. Gjatë kohës sa keni marrëdhënie seksuale formohet hormoni që e zvogëlon tensionin e gjakut.
5- Pas marrëdhënies seksuale zhduket depresioni dhe shfaqet ndjenja e lumturisë dhe e kënaqësisë.
6- Nëse juve ju mundon pagjumësia, seksi para gjumit do t’iu bëjë çudira. Është konstatuar se seksi është dhjetë herë më i mirë se sa hapat për gjumë ose për qetësim. Do të çliroheni tërësisht nga brengat dhe do të flini të qetë, sigurisht 25% më mirë e më gjatë.
7- Seksi është terapia më e mirë dhe më e fortë kundër gripit. Netët e nxehta të seksit dhe të dashurisë ndihmojnë edhe në shërimin e astmës e të alergjisë.
8- Edhe paraloja e zjarrtë gjatë seksit dhe dashurisë e shëron dhimbjen e kokës. Enët e gjakut në tru, të cilat kanë ngërç, fillojnë të çlirohen.
9- Loja me buzë dhe me gjuhë ndikon në tajitje të pështymës, e cila i mbron dhëmbët nga kariesi e bigorri (guralecët) e dhëmbëve. Përveç kësaj, edhe puthjet e buta e të ndjeshme ndikojnë për mirë në seks, e stimulojnë atë.
10- Seksi i pakëson fatkeqësitë në rrugë dhe në punë. Pas natës së mrekullueshme të seksit dhe të dashurisë së kaluar, njerëzit janë psikologjikisht më stabël dhe më të kujdesshëm.
11- Në seks, më së miri stërviten muskujt e barkut dhe vitheve. Për këtë arsye zhduket barku i fryrë, kurse vithet bëhet edhe më të forta dhe e të ngritura, një pamje të cilën e merr pas seksit intensiv. Seksi mundëson edhe që të dobësohemi dhe nuk ka dietë më të mirë se seksi për t’i hequr kilogramët e tepërt e të padëshiruar.
12- Seksologët kanë konstatuar se seksi dhe dashuria e ngadalësojnë procesin e plakjes dhe e kthjellojnë mendjen, nuk bëheni të harrueshëm dhe ndalon plakjen e parakohshme.
13- Nëse ju tërheq dashuria dhe seksi, nuk do t’ju dhembë lukthi, madje as rraskapitjet nuk do t’i përjetoni.
14- Po ta fitoni vetëbesimin në shtrat edhe partneri juaj do t’ua pranojë këtë dhe në jetë nuk do të jeni të komplikuar, do të çliroheni nga të gjitha komplekset e mundshme.
15- Seksi u jep një pamje të bukur kofshëve dhe këmbëve. Nga celuliti nuk do të mbetet asnjë gjurmë, sepse sistemi limfatik është mjaft aktiv, e posaçërisht në këmbë.
16- Netët e dashurisë i zgjidhin të gjitha vështirësitë dhe këshillat nga institucionet për këshillime martesore s’do t’iu nevojiten fare. Bisedoni në shtrat me partnerin tuaj për gjithçka.
17- Sportistët e dinë tashmë se pas një nate të zjarrtë seksi e dashurie, trupi reagon në mënyrë shumë më efikase.
18- Seksi është me të vërtetë lloji më i sigurt e më i shpeshtë i sportit, i cili e vë në lëvizje çdo muskul të trupit të njeriut, e në anën tjetër në shtrat ka më pak fatkeqësi.
19- Mjekët kanë konstatuar se infarkti i zemrës godet në radhë të parë njerëzit që dashurohen shumë pak dhe që jetën seksuale e kanë shumë të varfër. Mirëpo, shumica e personave që pësojnë infarkt e ndërpresin jetën seksuale të rregullt nga frika e ndonjë infarkti tjetër. Sipas mjekëve, kjo është plotësisht e gabuar dhe e dëmshme, sepse seksi i rregullt pas infarktit, ndikon dhe e stimulon stabilizimin e imunitetit.
20- Seksi ju bën shumë tërheqës dhe joshës. Kur dashuron shumë, nënkuptohet se bën seks edhe më shumë e më shpesh. Femrat i bën të dëshirueshme, kurse meshkujt më të furishëm.

Seksi dhe dashuria në jetën e çiftit

Sipas studimeve më të fundit nga një grup psikologësh britanikë, rezulton se ekzistojnë njëzetë arsye që seksi dhe dashuria ndikojnë në bukurinë dhe në shëndetin e femrave e të meshkujve. Studimi ka zgjatur disa muaj, duke intervistuar më shumë se njëmijë persona të moshave të ndryshme. Pas kaq shumë provash del vetëm një konstatim, e nëse e dëshirojmë një gjë të tillë, në mënyrë që të jemi sa më të shëndoshë, zgjidhjen për këtë duhet ta kërkojmë në lojërat e zjarrta të seksit dhe të dashurisë në shtrat. Për psikologët britanikë, seksi është më efikas se kremrat e shtrenjta kundër rrudhave, madje më efikas edhe se ushtrimet në palestër, duke qenë se gjatë një raporti konsumohen të paktën 560 kalori, po aq sa shpenzohen për një orë e gjysmë stërvitje me biçikletë në dhomë, vetëm se në këtë rast duhet pasur parasysh edhe elementi kënaqësi.

Jeta seksuale dhe rezultati

Me jetën seksuale psikologët britanikë lidhin edhe rezultatet në punë e në jetë, pasi, sipas tyre, pas një nate të zjarrtë në shtrat njerëzit janë psikologjikisht më stabël e për rrjedhojë më eficientë në gjithë aktivitetin e përditshëm, pasojë kjo edhe e ndikimit që luan ky faktor në të gjitha problemet që kanë të bëjnë me pagjumësinë. Për të shkuar më pas te ndikimi i drejtpërdrejtë te enët e gjakut e te faktori psikologjik, duke u bërë njëherësh edhe mjekimi më i mirë kundër depresionit. Ekspertët tregojnë arsyet të cilat e gjallërojnë një marrëdhënie dhe e ushqejnë atë pa pushim. Dashuri, tërheqje apo dëshirë janë faza e parë e të përbashkëtave në çift. Raportet intime në çift, mund të jenë të stimuluar nga shumë nxitës dhe emocione të tjera, më egoiste se ato që përmendën më lart, pra më tepër se thjesht ato stimulues shpirtërorë. Pulsoni erotik, libidoja frojdiane, nuk është i vetmja arsye që i shtyn meshkujt dhe femrat drejt një raporti seksual.

Kënaqësia dhe intimiteti emocional

Gjeneratat e reja kanë mundësi të panumërta që çdo ditë të përballen me zgjedhje të reja. Vetëm disa dinë të jenë të durueshëm, sepse aty shpesh përzihet edhe frika dhe presioni nga gabimet. Të gjithë tmerrësisht kërkojmë mënyrë më të thjeshtë të jetës. Njëra nga strategjitë është që thjesht të pyesim veten: “çfarë është në të vërtetë e rëndësishme në jetën time?” Në njërën nga anketat, rreth 59 % të femrave deklaruan se seksi është me rëndësi të veçantë dhe vetëm 9 % mendojnë se është i parëndësishëm fare. Marrëdhënia seksuale ju lejon që pranë personit tjetër të jeni plotësisht të lëndueshëm fizikisht dhe emocionalisht. Nëse nuk ka dashuri, as seksi nuk ka kuptim. Një lidhje e cila vetëm sa arrin të mbijetojë, nuk mund të sjellë kënaqësinë e dëshiruar. Nëse marrëdhënia ju përgjigjet juve, kultivon dhe rrit intimitetin emocional, atëherë janë të pakta gjasat që të do humbisni të pakënaqur nëpër botë.